Russar hava oyðilagt fleiri hundrað brýr í Ukraina, umframt 25.100 kilometrar av vegi.
Noreg hevur gjørt av at senda tíggju brýr til Ukraina við tí endamáli at byggja uppaftur ein part av undirstøðukervinum í krígsherjaða landinum.
Vit vita, at hesar brýr fara at hjálpa Ukraina, samstundis sum hetta ikki ger okkara tilbúgving veikari, sigur norski samferðslumálaráðharrin, Jon-Ivar Nygård.
Fleiri trailarar fóru í dag úr Noregi við kós móti Ukraina. Hesir eru teir fyrstu av tilsamans 32, sum eru lastaðir við brúgvasettum til krígsherjaða landið.
Tað er Statens Vegvesen í Noregi, sum stendur fyri sendingunum, og brýrnar hava eitt samlað virði av 30 miljónum norskum krónum.
Russiska krígsførslan í Ukraina hevur lagt týdningarmiklar partar av undirstøðukervinum í landinum í oyði.
Í tíðindaskrivi hjá norska uttanríkisráðnum verður sagt, at fleiri hundrað brýr í Ukraina eru oyðilagdar, umframt 25.100 kilometrar av vegi.
Noreg sendir 10 brýr til Ukraina